ДЭЛХИЙН МЭДЭЭ

“Хятадын хэрэгт оролцохоо зогсоо” нэрийн бүтээгдэхүүнийг борлуулж байна

Аляскт өнгөрсөн долоо хоногт болж өнгөрсөн АНУ, БНХАУ-ын дээд хэмжээний уулзалтын үеэр хоёр тал бие биенээ харилцан буруутгаж, ширүүн үг шидэлцсэн. Уулзалтад Хятадыг төлөөлөн оролцсон гадаад бодлогын асуудал эрхэлсэн дарга Ян Жиечигийн хэлсэн “Хятадын дотоод хэрэгт оролцохоо зогсоо” зэрэг үгс олон нийтийн сүлжээнд түгж буй.

Тэгвэл Хятадад эдгээр үгсийг бичсэн “эх оронч” бараа бүтээгдэхүүнийг үйлдвэрлэн худалдаалж эхэлсэн нь чамгүй амжилт олж байна. Цахим худалдааны таобао, пинг дуодуо зэрэг тавцангуудад Ян Жиечигийн хэлсэн үг бүхий цамц, малгай, аяга, шүхэр, даавуун уут, асаагуур, гар утасны гэр, өмд, шар айраг зэрэг бүтээгдэхүүнийг худалдаалж эхэллээ. Тодруулбал, Хубэй мужийн Ухань хотын нэгэн цахим дэлгүүр “Хятадын дотоод хэрэгт оролцохоо зогсоо” гэсэн бичиг бүхий цамцыг 79 юань буюу 12 ам.доллароор 200 гаруй ширхэгийг зарсан бол ижил загварын футболкийг 39 юань буюу зургаан ам.доллароор 1000 ширхэгийг борлуулаад байна.

Ташрамд, БНХАУ-ын Гадаад хэргийн сайд Ван И, ОХУ-ын Гадаад хэргийн сайд Сергей Лавров нар Гуанси мужийн Гүйлинь хотод уулзаж, хоёр улсын харилцааны асуудлаар хэлэлцэхдээ АНУ улсын дотоод хэрэгт оролцож байна хэмээн онцолжээ.

Эх сурвалж: SCMP

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet