БАЙГАЛЬ ОРЧИН

НҮБ: Хүнсний хомсдол газар авч болзошгүй

НҮБ-ын Хүнс, хөдөө аж ахуйн байгууллагаас гаргасан тайланд онцолж буйгаар, дэлхийн хэмжээнд хүнсний хомсдол газар авч магадгүй байна. Сүүлийн 30-50 жилийн хугацаанд ойн түймэр, цаг агаарын онц ноцтой үзэгдэл зэрэг гамшиг гурав дахин нэмэгдсэн талаар уг тайланд мэдээлжээ. Нүүрлэж буй эдгээр гамшгийн нийт хохирлын 63 хувь нь хөдөө аж ахуйн салбарт учирдаг бөгөөд хүнсний хангамжинд ч нөлөөлнө.

Дээр дурдсан хүчин зүйлсээс гадна коронавирусийн цар тахал, эдийн засгийн хүндрэл, хүнсний үйлдвэрлэл, тээврийн салбарт учирсан саад бэрхшээл ч хүнсний хангамжинд нөлөөлөх нь гарцаагүй гэж мэргэжилтнүүд үзэж буй. Ингэснээр буурай, хөгжиж буй орнуудад хоол тэжээлийн дутагдал, хүнсний хомсдол өмнөх жилүүдийнхээс илүү газар авч, өлсгөлөн нүүрлэж магадгүй болов.

Үүний зэрэгцээ 2020 оны байдлаар дэлхий дахинд хүнсний бүтээгдэхүүний үнэ өссөн. Тухайлбал, өнгөрсөн оны арванхоёрдугаар сарын байдлаар хүнсний бүтээгдэхүүн, түүхий эдийн үнэ арваннэгдүгээр сарынхтай харьцуулахад 107.5 нэгж хүртэл буюу 2.2 хувиар нэмэгдсэн нь сүүлийн зургаан жилийн хугацаан дахь хамгийн дээд үзүүлэлт болжээ.

Эх сурвалж: Лента

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet