УЛС ТӨР

Франц улсын Элчин сайдыг хүлээн авч уулзав

Монгол Улсын Шадар сайд С.Амарсайхан Бүгд Найрамдах Франц Улсаас Монгол Улсад суугаа Онц бөгөөд Бүрэн эрхт Элчин сайд Филипп Мэрлинийг хүлээн авч уулзлаа. Засгийн газар хоорондын Санхүүгийн хэлэлцээрийн хүрээнд Онцгой байдлын ерөнхий газар, БНФУ-ын Иргэний аюулгүй байдал, гамшгийн удирдлагын газартай хамтран агаараас аврах ажиллагааны нэгж байгуулах төслийг 2020 оноос эхлэн амжилттай хэрэгжүүлж байна.

Энэ төслийн хүрээнд Франц улсаас нисдэг тэрэг, обьектын түймэр унтраах тусгай тоноглолтой автомашин олгохын сацуу нисдэг тэрэгний нисгэгч, механикч, авианикч, ослын үеийн яаралтай тусламж үзүүлэх эмч бэлтгэх сургалтыг зохион байгуулах юм. Ковидын халдвараас үүдэж төсөл хөтөлбөр удааширч байгааг Элчин сайд Филипп Мэрлин хэлэв. Шадар сайд С.Амарсайхан ойрын хугацаанд холбогдох албаныханг байлцуулж онлайнаар хуралдаж, уг төслийг эрчимжүүлэхэд анхаарч ажиллахаа илэрхийллээ. Төслийн хүрээнд нисдэг тэрэгний нисгэгч, механикч, яаралтай тусламж үзүүлэх эмч мэргэжилтэнг бэлтгэх сургалтыг онлайнаар зохион байгуулах зэрэг шаардлагатай арга хэмжээг авч ажиллахаар талууд тохиролцов.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet