ФОТО: УИХ, Засгийн газраас төрийн байгууллагын үйлчилгээний ажилчдыг хувийн хэвшилд шилжүүлэх шийдвэр гаргасныг эсэргүүцэж байна

2022 оны гуравдугаар сарын 17 буюу өнөөдөр Төрийн үйлчилгээний албан хаагчид УИХ, Засгийн газраас төрийн байгууллагын үйлчилгээний ажилчдыг хувийн хэвшилд шилжүүлэх шийдвэр гаргасныг эсэргүүцэж төв талбайд үзэл бодлоо илэрхийллээ.

МБШУҮЭХ-ны дарга З.Цогтгэрэл "Бид нийгмийн ялгаваралд өртсөөр байна. Монгол Улсын үндсэн хуульд ажил мэргэжлээ чөлөөтэй сонгох, үзэл бодол, үгээ чөлөөтэй илэрхийлэх эрхтэй гэж заасан байдаг. Бид энэ эрхээ эдлэх шаардлага үүсээд байна.

2022 оны нэгдүгээр сарын 1-нээс эхлэж мөрдсөн Засаг захиргаа, нутаг дэвсгэрийн тухай хуулинд бид бүгдээс санал аваагүй, хэлэлцэлгүйгээр өөрчлөлт оруулж, түүгээрээ далайлгаж бидний хөдөлмөрлөх эрх ашиг цаашлаад нийгмийн баталгаа, амьд явах эрхийг зөрчиж байна.

Тиймээс үүнийг эсэргүүцэж цаашид тэмцэх болно" гэсэн юм.