ГЭРЭЛ ЗУРАГ

Мьянмарчууд ажил хаялт зарлаж, эсэргүүцлийн жагсаал үргэлжилж байна

Мьянмарт цэргийнхэн төрийн эргэлт хийснийг эсэргүүцсэн албан хаагчид ажил хаялаа. Эмч, багш нар, төрийн албан хаагчид армийнхан засгийн эрхийг гартаа авсныг эсэргүүцэж буйгаа ийнхүү илэрхийлжээ.

Үүний зэрэгцээ нийслэл Нейпьидод иргэд гурав дахь өдрөө жагссаар байгааг “South China Morning Post” мэдээлжээ. Цэргийн Засгийн газрыг эсэргүүцэн жагссан хүмүүсийг цагдаа нар усан буу ашиглан тараасан байна.

Ардчиллын төлөөх үндэсний лиг намынхан, тэр дундаа  Ерөнхийлөгч, Гадаад хэргийн сайд нарыг суллахыг шаардсан энэхүү жагсаалд хэдэн арван мянган хүн, тэр дундаа Буддын лам нар ч оролцсон бөгөөд 2007 хойш буюу сүүлийн 14 жилийн хугацаанд байгаагүй том жагсаал болсон гэж ажиглагчид онцолжээ. Хэдийгээр жагсаалд олон хүн ирсэн ч эмх замбараагүй байдал, үймээн гараагүй байна.

Эх сурвалж: South China Morning Post

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet