Туул голоос таван метрийн зайд хууль бус үйл ажиллагаа явуулж байсныг зогсоожээ

Туул голоос таван метрийн зайд хууль бус үйл ажиллагаа явуулж байсныг зогсоожээ. Туул голын сав газрын захиргааны даргын баталсан удирдамжийн дагуу сав газарт ашигт малтмалын хайгуул хийх, олборлолт явуулж буй аж ахуйн нэгж байгууллагын үйл ажиллагаа, зөвшөөрөл, гэрээний биелэлтэд хяналт тавин ажиллаж байна гэж БОАЖЯ-наас мэдээллээ.

Мөн Булган аймгийн Бүрэгхангай сумын Их тохойрол гэх газарт тусгай зөвшөөрөлгүйгээр ашигт малтмал олборлож, Туул голоос шууд усаа аваад тунгаалгүй голд нийлүүлж байсан нэр бүхий иргэний үйлдлийг таслан зогсоож, 2022 оны долдугаар сарын 27-ы өдрийн 12:00 цагт Булган аймаг дахь Цагдаагийн газарт гэмт хэргийн шинжтэй үйлдлийг шалгуулахаар мэдэгдэн ажиллаж байгаа аж.