COVID-19

Казахстан коронавирусийн эсрэг вакцинаа бүртгэлээ

Казахстан Улсын Эрүүл мэндийн сайд өөрсдийн эрдэмтдийнхээ гарган авсан коронавирусээс урьдчилан сэргийлэх вакциныг бүртгэсэн байна. Яамны харьяа Эмнэлгийн багаж хэрэгсэл, эмийн бүтээгдэхүүний хяналтын газраас  мэдээлж буйгаар вакциныг одоогоор эмнэлзүйн гуравдугаар шатанд туршиж байгаа бөгөөд гурван мянган иргэн үүнд сайн дураараа оролцож буй аж.

Туршилт амжилттай болж, вакцин үр дүнтэй нь батлагдвал  ирэх гуравдугаар сараас эхлэн ард иргэдээ вакцинжуулахаар төлөвлөж байгаа юм. “KazCOVID-in” вакцины завсрын шатны туршилтууд өндөр үр дүн үзүүлсэн гэж тус улсын эрх баригчид мэдэгджээ.

Түүнээс гадна Казахстан өөрийн газар нутаг дээрээ ОХУ-ын эрдэмтдийн гарган авсан “Спутник V” вакциныг үйлдвэрлэсэн бөгөөд эхний ээлжинд хоёр сая тунгаар эмнэлгийн ажилтнууд, амч, оюутнууд, хууль сахиулах байгууллагынхан, мөн ахмад настан, хууч өвтэй хүмүүсийг вакцинжуулахаар төлөвлөж байгаа юм.

Эх сурвалж: “Новости”

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet