ДЭЛХИЙН МЭДЭЭ

“Boeing 737” онгоц сүйрснийг Индонезийн эрх баригчид батлав

Индонезийн нийслэл Жакартагаас Баруун Калимантан мужийн төв Понтианак руу нисэж явсан зорчигч тээврийн “Boeing 737” онгоц сүйрсэн хэмээн тус улсын эрх баригчид албан ёсоор баталлаа. Нийслэлээс хөөрснөөс хойш хэдэн минутын дараа холбоо барих боломжгүй болсон энэ онгоц Явагийн тэнгист, Мале арлын ойролцоо унасан талаар Индонезийн Тээврийн сайд Буди Карья Сумади мэдэгдсэн байна.

“Sriwijaya Air” компанийн энэхүү онгоцонд 59 хүн, тэр дундаа зургаагаас доошгүй хүүхэд зорчиж явсан бөгөөд арлын ойролцоо байсан загасчид онгоц унасан чимээг сонссон гэж ярьж буй. Зорчигчдыг тээвэрлэсэн “Boeing 737-500” онгоц 1994 оны тавдугаар сараас нислэг үйлдэж эхэлсэн, 2018 онд Жакартад сүйрсэн онгоцноос ч өмнө ашиглалтад орсон байжээ.

Зорчигчид, багийн гишүүдийн талаар тодорхой мэдээлэл одоогоор байхгүй ч ослын газар хүмүүсийн цогцос, онгоцны эд анги олдсон гэж хэвлэлүүдэд мэдээлж байна.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet