newswire

АНУ-д болж буй эмх замбараагүй байдлыг зөвхөн хүчээр зогсоох боломжтой гэв

Ардчилсан намынхны удирдаж байгаа хотуудад болж буй хүчирхийллийг зөвхөн хүч хэрэглэх замаар зогсоох боломжтой гэж АНУ-ын Ерөнхийлөгч Дональд Трамп твиттер хуудсандаа  мэдэгджээ.

“Ардчилсан намынхны удирддаг, гэмт хэргийн гаралт өндөр хотуудад хүчирхийллийг зогсоох цорын ганц арга зам бол хүч хэрэглэх юм” гэж тэрбээр орон даяр, тэр дундаа Портленд хотод (Орегон муж улс) эмх замбараагүй байдал үргэлжилсээр байгаа тухайд ярихдаа бичсэн байна. 

Дональд Трамп Портленд хотын дарга Тед Уилерыг дахин шүүмжлээд түүнийг “галзуу солиотой, хот нь сүйрч байхад юу ч хийдэггүй зүүний радикал ардчилагч” гэжээ. “Портленд хотын оршин суугчид бол манай агуу их улсын бусад хот, газруудын нэгэн адил хууль, хэв журмыг хүсэж байгаа. Харин Портлендийг удирдаж буй дүлий годил шиг зүүний радикал-ардчилагч хотын дарга нар үүнийг хийж чадахгүй байна” гэж Трамп бичжээ.

Тэрбээр өмнө нь Портленд хотод Үндэсний гвардийн цэргүүдийг оруулахыг тус хотын даргад уриалжээ. Харин хотын эрх баригчид энэ саналаас татгалзсан байна.

Портлендэд болж буй эсэргүүцлийн ажиллагаа, эмх замбараагүй байдал гурван сарын турш үргэлжилж буй юм. Цагдаагийнхан болж буй үйл явдлыг үе үе үймээн самуун гэж мэдэгдэж, баривчилгаа явуулж байгаа аж. АНУ-ын Миннеаполис хотод  Жорж Флойд гэх африк гаралтай Америкийн иргэн цагдаа нарын гарт амиа алдсаны дараа Портленд болон бусад хэд хэдэн хотод эмх замбараагүй байдал эхэлсэн юм.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet