ФОТО: АНУ-ын баг Парагвайг 4:1-ээр бут ниргэсэн агшин

2026 оны хөлбөмбөгийн дэлхийн аварга шалгаруулах тэмцээний D хэсгийн тоглолтод АНУ-ын шигшээ баг Парагвайн шигшээг 4:1-ээр буулган авч, тэмцээнийг ялалтаар эхлүүллээ.

Гэрэл зургийг REUTERS агентлагийн эрхтэйгээр нийтлэв.

Лос Анжелес хотод болсон тоглолтод талбайн эзэд эхнээсээ илүүрхэж, довтолгооны идэвхтэй тоглолтоор өрсөлдөгчөө шахалтанд оруулав. АНУ-ын багийн довтлогчид боломжуудаа үр дүнтэй ашиглаж, дөрвөн гоол оруулснаар итгэл төгс ялалт байгуулсан юм.

Өмнөд Америкийн хүчирхэг багуудын нэг Парагвай тоглолтын турш эсэргүүцэл үзүүлж, нэг гоолын хариу барьсан ч тоглолтын санаачилгыг гартаа авч чадсангүй.

Ингэснээр АНУ-ын шигшээ D хэсэгт эхний гурван оноогоо авч, хэсгээ тэргүүлэх боломжоо нэмэгдүүллээ. Харин Парагвайн баг дараагийн тоглолтдоо оноо авах шаардлагатай болж байна.

Энэ удаагийн дэлхийн аварга шалгаруулах тэмцээн АНУ, Мексик, Канад гэсэн гурван улсад хамтран зохион байгуулагдаж байгаа бөгөөд нийт 48 баг оролцож, 104 тоглолт явагдах юм.

АНУ-ын шигшээ дараагийн тоглолтоо Австралийн эсрэг хийх бол Парагвай Туркийн багтай учраа таарна.

Гэрэл зургийг REUTERS агентлагийн эрхтэйгээр нийтлэв.