Шадар сайд Н.Номтойбаяр: Юун түрүүнд хариуцлагагүй байдлын төлөөс болж харамсалтайгаар амиа алдсан бяцхан охины ар гэр, төрөл төрөгсдөд гүн эмгэнэл илэрхийлье. 

Бүхий л боломж, тооцооллоор Онцгой байдлын алба хаагчид ажилласан ч хариуцлагагүй тогтолцоо, цаг хугацаа, газар шорооны нөхцөл байдалд ялагдлаа. Төр иргэдийнхээ шүүмжлэлийг сонсоно. Гэхдээ хөрсөнд доргилт өгч болохгүй, хүчтэй нүдэж болохгүй тун эрсдэлтэй нөхцөл байдалд алба хаагчид ажиллалаа. 

Алба хаагчдын тоног төхөөрөмжийн хүрэлцээ хангамж одоогоор 41.6 хувь байгааг 5.5 их наяд төгрөгийн санхүүжилтээр 80 хувьд хүргэнэ. Мөн Ерөнхий сайдын албан даалгаврын хүрээнд Улсын үзлэг эхэлж байна. Стандартын бодлого, эрх зүй алдагдсан энэ үед төр иргэдийнхээ эрүүл аюулгүй байдлын төлөө хяналт шалгалтыг хийх ёстой. Үүнээс тойрч, техникийн нөхцөл байдлаа шалгуулахгүй аж ахуйн нэгж гэж нэг ч байх ёсгүй.