Монголын Боксын өсвөрийн шигшээ баг анх удаа бүрэн бүрэлдэхүүнээрээ ААШТ-д оролцохоор Узбекистаныг зорилоо

Монголын боксын өсвөрийн шигшээ баг анх удаа бүрэн бүрэлдэхүүнээрээ өсвөр үеийн Азийн аварга шалгаруулах тэмцээнд оролцохоор Узбекистаныг зорилоо.

Тус баг өнгөрсөн дөрөвдүгээр сарын 21-нд эх орноосоо мордсон бөгөөд тэмцээний өмнөх хамтарсан бэлтгэл сургуулилтад хамрагдах юм.

Энэхүү боломж нь У.Хүрэлсүх-ийн урилгаар Шавкат Мирзиёев өнгөрсөн онд Монгол Улс-д төрийн айлчлал хийх үеэр байгуулсан спортын салбарын хамтын ажиллагааны санамж бичгийн хүрээнд хэрэгжиж байгаа аж.

Хоёр улсын хамтын ажиллагааны хүрээнд Монголын 15 өсвөрийн тамирчин Ш.Амарсайханы ахалсан багийн бүрэлдэхүүнд, Үндэсний шигшээ багийн дасгалжуулагч Б.Есүхэйбаатар, залуучуудын шигшээ багийн дасгалжуулагч Т.Ганзориг нарын удирдлага дор бэлтгэлээ эхлүүлжээ.

Өмнө нь өсвөрийн багийн тамирчид тэмцээн уралдаанд оролцохдоо зардлаа гэр бүлээсээ бүрэн гаргадаг байсан нь оролцоонд санхүүгийн хүндрэл учруулдаг байв. Харин энэ удаа 15 тамирчны бүх зардлыг спортын байгууллагууд хамтран бүрэн хариуцаж, хүүхдүүдийг санхүүгийн дарамтгүйгээр тэмцээнд оролцох нөхцөлийг бүрдүүлсэн байна.

Монголын баг тамирчид Ташкент хотод тавдугаар сарын 1-15-ны өдрүүдэд болох өсвөр үеийн Азийн аварга шалгаруулах тэмцээнд хүч сорих юм.