МҮЭХ: Аливаа шийдвэр гаргахдаа ажилчдын эрх ашиг, хөдөлмөрийн баталгаа, нийгмийн хамгаалалд анхаарах шаардлагыг Засгийн газарт хүргүүлнэ

Монгол Улсын Засгийн газраас төрийн өмчит компаниудын хувьчлал, олон нийтэд нээлттэй худалдаалахтай холбоотой шийдвэрүүдийг хэлэлцэж, хэрэгжүүлэхээр төлөвлөж буйтай холбогдуулан Монголын Үйлдвэрчний Эвлэлийн Холбооноос өөрийн албан ёсны байр суурийг илэрхийлж, уг шийдвэрийг зөв шударга, ил тод, нийгмийн хариуцлагатай хэрэгжүүлэх, ажилтнуудын нийгмийн хамгаалал, ажлын байрны баталгаа алдагдахаас урьдчилан сэргийлэх болон төрийн үйлчилгээний ажилтнуудын үр дүнгийн урамшуулал, нэмэгдэл, нэмэгдэл хөлс олгохтой холбоотой нөхцөл байдлын тухай Засгийн газарт хүргүүлэх санал, шаардлагуудын талаар хэвлэл мэдээллийн байгууллагуудад мэдээлэл өглөө. 

- Төрийн өмчит компаниудын хувьчлалтай холбоотой Засгийн газрын бодлого, шийдвэрт МҮЭХ-ны байр суурь,
- Ажилчдын эрх ашиг, хөдөлмөрийн баталгаа, нийгмийн хамгаалалд сөргөөр нөлөөлөхөөс сэргийлэх зорилгоор Засгийн газарт хүргүүлж буй шаардлагууд,
- Хувьчлалын үйл явцыг ил тод, хариуцлагатай, нийгмийн түншлэлийн зарчимд нийцүүлэн явуулах талаархи санал, тайлбаруудыг танилцууллаа. 

Гэрэл зургийг MPA.mn