Хар-Ус нуурын мөс цөмөрч автомашин суусан байсныг татан гаргалаа

Ховд аймаг, Манхан сум Баянгол багийн "Урт аралын-Үзүүр" гэдэг газар /аймгийн төвөөс зүүн зүгт 50 км-т, сумын төвөөс зүүн хойд зүгт 55 км-т/,  Хар-Ус нуурын мөс цөмөрч суудлын автомашин суусан тухай дуудлагыг 12.07-ны өдрийн 10:55 цагт хүлээн авсан. Тус аймгийн Онцгой байдлын газрын Манхан сум дахь Эрэн хайх аврах бүлгийн алба хаагчдыг очиход иргэн Д-ын “Prius-20” загварын суудлын автомашин суусан байсныг татан гаргасан байна.

Гол, нуурын мөсөн дээгүүр тээврийн хэрэгсэл, ердийн хөсөг, мориор, явганаар явахгүй байх, бага насны хүүхдийг харгалзах хүнгүйгээр гол, нуур бүхий бэлчээр газарт малд явуулахгүй байх, гол, нуурын мөсөн дээгүүр мал, сүрэг тууварлахгүй байхыг ОБЕГ-аас анхааруулж байна.