COVID-19

Ухань хотын иргэдээс цуглуулсан олон мянган цусны дээжинд шинжилгээ хийнэ

Хятад улс Ковид-19-ийн гарал үүслийг тогтоох ажлын хүрээнд Ухань хотын иргэдээс цуглуулсан олон арван мянган цусны дээжинд шинжилгээ хийхээр бэлтгэж байна гэж Хятадын албаны хүн мэдэгдэв.

Ухань хотын цусны төвд 200,000 дээжийг хадгалж байгаа бөгөөд дээжийг хоёр жил хүртэлх хугацаанд хадгалж болох гэнэ. Вирус анх 2019 оны арав, арваннэгдүгээр сард хүнд халдварласан байж магадгүй гэж үзвэл эхэн үеийн дээжүүдийн хадгалах хугацаа дуусах дөхөж байгаа юм. БНХАУ-ын Эрүүл мэндийн үндэсний комиссын ажилтан CNN агентлагт туршилт шинжилгээний бэлтгэл ажил одоогоор явагдаж байгааг мэдэгджээ.

Колумбын их сургуулийн тархвар судлалын тэнхимийн профессор Морин Миллер хэлэхдээ “Тэнд маш чухал мэдээлэл байгаа” гээд энэ үйл явцыг ажиглахыг гадаадын мэргэжилтнүүдэд зөвшөөрөхийг Хятадын засгийн газарт уриалав. “Ядаж л мэргэшсэн ажиглагчид байхгүй бол Хятадын мэдээлсэн үр дүнд хэн ч итгэхгүй” гэж тэр хэлэв.

ДЭМБ-ын судалгаанд ажиллаж буй Хятадын багийн ахлагч Лян Ваннянь өнгөрсөн долдугаар сарын хэвлэлийн бага хурал дээр хэлэхдээ, Хятад улс дээжийг туршаад, үр дүн гарсны дараа хятад болон гадаадын мэргэжилтнүүдтэй хуваалцах болно гэж мэдэгдэж байсан. Мөн “Бидний хийсэн судалгаа болон Хятадын эрдэмтдийн өмнө нь хийсэн холбогдох судалгааны үр дүнгээс үзвэл анхны тохиолдол арванхоёрдугаар сарын 8-наас өмнө бүртгэгдсэн байж магадгүй” гэжээ.

Вандербилт их сургуулийн Анагаах ухааны тэнхимийн халдварт өвчний тасгийн эмч, доктор Уильям Шаффнер хэлэхдээ “Дээжүүд нь гайхалтай боломж юм. Энэ вирус хэдэн сараас эхлэн хүн амын дунд ул мөрөө үлдээж эхэлсэн болохыг Хятадын дээжүүдээс олж мэдэх боломжтой” гэв. Түүнчлэн анх хэн, хаанаас халдвар авсан, нас, ажил мэргэжил зэргийг нь дээжүүдээс илрүүлэх боломжтой гэлээ.

Эх сурвалж: CNN

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet