Маргааш Улаанбаатарт ахиухан хэмжээний усархаг бороо үргэлжлэн орно

Гэрэл зургийг MPA.mn

Маргааш /2025.08.20/ -нд Улаанбаатар хот орчмоор өглөөнөөс эхлэн оройдоо, шөнөдөө ахиухан хэмжээний усархаг бороо үргэлжлэн орох төлөвтэй байгааг Цаг уур, орчны шинжилгээний газраас мэдээлж байна. 

Иймд:
- Үерийн аюултай бүсээс хол, аюулгүй газарт байрлах
- Орон сууцны хорооллын граж, В1 давхарын руу ус орохоос сэргийлэн хамгаалалт татах
- Үерийн аюулаас гэр орон, өмч хөрөнгө, ундны усны нөөц худгаа хамгаалах далан, суваг, шуудуу, хашлага барих
- Хүүхдийг гол мөрөн, нуур, тогтоол ус, цөөрмын ойролцоо тоглуулахгүй байх
- Гол, мөрөн нуурын ойролцоо амарч зугаалахдаа сонор, сэрэмжтэй байж, уулын ам, голын ай сав, үерийн буулт бүхий газарт отоглож, хоноглохгүй байх
- Зөвхөн баталгаат зам гүүрээр зорчихыг НОБГ-аас онцгойлон анхааруулж байна.