НИЙГЭМ

Гал унтраах хоолой болон хөдөлмөр хамгааллын хувцас угаах, хатаах төхөөрөмжийг бүтээж, ашиглаж эхэллээ

НОБГ-ын Сонгинохайрхан дүүргийн Онцгой байдлын хэлтсийн Гал түймэр унтраах, аврах 29 дүгээр ангийн гал унтраах автомашины жолооч, ахлах ахлагч Л.Мөнх-Эрдэнэ гал унтраах хоолой болон хөдөлмөр хамгааллын хувцас угаах, хатаах төхөөрөмжийг бүтээж, албанд ашиглаж эхэллээ.

Энэхүү угаагч төхөөрөмж нь  минутанд 1,490 эргэлттэй, 220 вольтын цахилгаанаар ажилладаг, 0.75 ваттын хүчтэй, хоёр мотортой, эргэлтийн хүчийг  2х1-ийн харьцаагаар шкивээр тааруулсан байна.

Насос нь шулуундаа 32, өндөр есөн метрийн тусгалтай, төвийн болон өөрийн усны нөөцөөр ажиллана. Сойтогны  диаметр нь 36 см, үсний урт 15 см, голын тойрог хоёр см, их бие зургаан см, урт нь 30 см . Хатаагч нь 130х100х145мм харьцаатай, таван зам, дөрвөн тормос дугуйтай, таван метр квадрат талбай хатаах халуун үлээгчтэй.

Өвөл, зуны аль ч улиралд ашиглах боломжтой бөгөөд тавиулангийн гадна дотор хаана ч байрлуулан гал унтраах хоолой болон байлдааны хувцсыг богино хугацаанд хатаах зориулалттай.

Тус төхөөрөмжтэй болсноор гал унтраах хоолойн цэвэрлэгээ үйлчилгээ,  хөдөлмөр хамгааллын хувцасны өнгө үзэмж сайжрахаас гадна гал түймрийн дуудлагаар гарч ажилласаны дараах дуудлагад хурдан хугацаанд бэлтгэн, бэлэн байдлыг дээшлүүлэх, галын хоолойн эдэлгээний насжилт, зарцуулах хугацааг хэмнэх ач холбогдолтой боллоо гэж нийслэлийн Онцгой байдлын газраас мэдээллээ.  

Эх сурвалж: Онцгой Байдлын Ерөнхий Газар

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet