Алимны үрэнд нь бага хэмжээний хорт бодис (цианид) агуулагддаг тул олон үр залгих хэрэггүй

Алим бол эрүүл мэндэд олон талын ашиг тустай жимс. “Өдөрт нэг алим идвэл эмч хэрэггүй” гэдэг үг ч байдаг шүү дээ. 2004 онд АНУ-ын Хөдөө Аж Ахуйн Департментын эрдэмтэд антиоксидантаар баялаг 100 хүнсний бүтээгдэхүүний жагсаалтыг гаргасан бөгөөд өөр, өөр амт бүхий хоёр алим 12 болон 13-р байрт бичигджээ.

Алимны ач тус

1. Зүрх судасны эрүүл мэнд – Алимны фибер (эслэг), антиоксидант нь зүрхний өвчнөөс хамгаалдаг.
2. Дархлаа дэмжих – С амин дэм, полифенол агуулдаг тул биеийн эсэргүүцлийг сайжруулдаг.
3. Хоол боловсруулалт сайжруулах – Алимны эслэг гэдэсний бичил биетүүдийг тэнцвэржүүлж, өтгөн хаталтаас сэргийлнэ.
4. Жин хасахад тустай – Илчлэг багатай, эслэг ихтэй тул удаан хугацаанд цатгалан мэдрэмж өгдөг.
5. Чихрийн шижингийн эрсдэл бууруулах – Цусан дахь сахарын хэмжээг тогтворжуулж, инсулины мэдрэг чанарыг сайжруулдаг.
6. Шүдийг хамгаалах – Алим зажилснаар амны хөндийн бактери цэвэрлэгдэж, амьсгалыг сэргээдэг.

Алимны сөрөг тал

• Хэт их идвэл ходоод хямрах, шүдний пааланг гэмтээх магадлалтай.
• Үрэнд нь бага хэмжээний хорт бодис (цианид) агуулагддаг тул олон үр залгих хэрэггүй.
• Элсэн чихэр агуулдаг тул чихрийн шижинтэй хүмүүс хэтрүүлж хэрэглэхээс зайлсхийх хэрэгтэй.