ХӨТӨЧ: Нэрс жимс мэдрэлийн эсийг хамгаалж, ой тогтоолтыг сайжруулна

Нэрс (Vaccinium uliginosum) нь анхилуун, исгэлэн амттай, жижиг хөхөлбөр жимс бөгөөд ихэвчлэн уулын бүс, ой тайгад ургадаг.

Нэрсний ач тус:

• Нүдний хараанд сайнаар нөлөөлдөг – Антоцианин ихтэй тул харааг хамгаалж, нүдний ядаргааг багасгана.
• Тархи, ой санамжид тустай – Мэдрэлийн эсийг хамгаалж, ой тогтоолтыг сайжруулна.
• Хоол боловсруулах системийг дэмжинэ – Эслэг ихтэй тул гэдэсний гүрвэлзэх хөдөлгөөнийг сайжруулж, өтгөн хаталтаас сэргийлнэ.
• Судасны ханаг бэхжүүлнэ – Цусны эргэлтийг сайжруулж, зүрх судасны өвчнөөс хамгаална.

Хэрэглэх арга:

• Шинээр нь идэж болно.
• Чихэрлэг эсвэл давслаг хоолонд нэмэлт болгон ашиглана.
• Шүүс, нухаш, цай, дарс хийхэд тохиромжтой.
• Хатааж, нунтаглан хэрэглэх боломжтой.

Хэвлийн өөх багасгах

Өдөрт 1 аяга нэрс идэхэд, хүний бие шаардлагатай ислэгийнхээ 14 хувийг хангаж чаддаг. Хоол тэжээлээс авдаг энэхүү ислэгийн тусламжтай өтгөн хаталт болон хоолны шингэц сайжирдаг байна.

Хоол боловсруулалтад эерэгээр нөлөөлдөг

Нэрсэнд агуулагдах эллажикийн хүчил ба птеростилбен нь хавдрын эсрэг тэмцэхэд, бие махбодид хүч өгдгийг судалгаагаар тогтоожээ. Эдгээр бодис нь мөн бүдүүн гэдэсний хорт хавдрын өсөлтийг зогсоох үйлчилгээтэй ажээ.

Ой санамжийг дээшлүүлдэг

Нэрс жимс нь тархинд хамгийн сайн хоол хүнс гэж нэрлэгддэг. Учир нь хөгшрөлттэй холбоотой санах ой муудах, хүн танихгүй байх зэрэг асуудлыг багасгадаг юм. Үүний зэрэгцээ өдөр бүр 2,5 аяга жимс идэж заншвал Алцимрийн өвчнөөс урьдчилан сэргийлж, тархи болон санах ойтой холбоотой асуудлаас холуур өнгөрч болно.

Хөгшрөлтөөс сэргийлэх

Залуу насаа хэвээр нь хадгалахыг хүсэж буй хүмүүс энэ жимсийг хэрэглэх нь зүйтэй. Учир нь нэрсэнд агуулагдах үрэвслийн эсрэг нэгдэл, антиоксидантууд нь тархины гадуур бүрхүүл үүсгэж, хөгшрөлтийн шинж тэмдгийг биед гарах явцыг огцом удаашруулдаг ажээ.

Стресснээс ангижруулна

Зөвхөн нэрс бус бүхий л төрлийн зэрлэг жимсгэнүүдэд агуулагдах амин дэм, эрдэс бодисууд нь хүнийг стрессэнд орохоос сэргийлж, сэтгэл санааг тайван байлгахад тустай ажээ.