Ерөнхий боловсролын сургуулийн удирдах ажилтнуудад зөвлөн туслах баг Баян-Өлгий аймагт ажиллаж байна

Ерөнхий боловсролын сургуулийн удирдах ажилтнуудад зөвлөн туслах баг Баян-Өлгий аймгийн Сагсай, Цэнгэл, Улаанхус, Хөх хөтөл баг, Толбо, Дэлүүн, Алтанцөгц, Баяннуур, Буянт, Алтай, Ногооннуур, Цагааннуур сумдын ерөнхий боловсролын сургуулиудад хоёр дахь долоо хоногтоо ажиллаж байна. 

Зөвлөн туслах ажлын хүрээнд аймгийн Боловсролын газрын мэргэжилтэн, ерөнхий боловсролын сургуулийн багш, удирдах ажилтнуудын сургуулийн менежментийг дэмжих арга зүйн мэдлэг, ойлголтыг нэгтгэх, тэднийг хөгжүүлэх, дэмжлэг үзүүлэх үйл ажиллагааг хэрэгжүүлж буй.

Багийг Монгол Улсын Гавьяат багш С.Марта ахалж, бүрэлдэхүүнд нийслэлийн ерөнхий боловсролын сургуулийн захирлын албан тушаалд олон жил үр бүтээлтэй ажилласан туршлагатай Монгол Улсын Гавьяат багш нар ажиллаж байна.