Улаанбаатар: 
Эрдэнэт: 
USD | 3525.51
EUR | 3817.42
CNY | 514.67
RUB | 46.32
JPY | 27.07
KRW | 2.73
АНУ Афганистан дахь хугацаагаа сунгах шаардлагатай болж магадгүй
АНУ-ын цэргүүд америкчуудыг нүүлгэн шилжүүлэх эцсийн хугацаа буюу наймдугаар сарын 31-ний өдрөөс хойш Афганистанд үлдэж магадгүй гэж Ерөнхийлөгч Жо Байден лхагва гарагт мэдэгдсэн бөгөөд Пентагон АНУ-ын арми одоогоор Кабулын нисэх онгоцны буудлаас гадагш хүмүүстэй холбогдох боломжгүй байна гэж мэдэгджээ.
“Хэрэв АНУ-ын иргэд үлдсэн бол бүгдийг гаргах хүртэл бид үлдэх болно” гэж Байден ABC News-т өгсөн ярилцлагадаа хэлжээ.
Сүүлийн өдрүүдэд Кабулын нисэх онгоцны буудал болон түүний эргэн тойронд эмх замбараагүй байдал давамгайлж байгаатай холбогдуулан Байден ширүүн шүүмжлэлд өртөөд байгаа юм.
Тэрээр мөн хэлэхдээ, Талибанчууд одоогоор америкчуудыг эх орноосоо гаргахад хамтран ажиллаж байгаа боловч АНУ-д нэгдсэн Афганистаны иргэдийг нүүлгэн шилжүүлэхэд хүндрэлтэй байгаа гэжээ.
Байден, дэд ерөнхийлөгч Камала Харрис нар лхагва гарагт үндэсний аюулгүй байдлын багтай Афганистанаас америкчууд болон дүрвэгсдийг нүүлгэн шилжүүлэх ажлыг хурдасгах арга замын талаар ярилцсан гэж Цагаан ордны албаны хүн мэдээлсэн.
Эх сурвалж: Reuters
Хариулах