ФОТО: АШУҮИС 3000м2 талбай бүхий шинэ номын сантай боллоо

АШУҮИС-ийн Зүүн кампус (Ботаник цэцэрлэгт хүрээлэн) 3000м2 талбай бүхий шинэ номын сантай болж, өнөөдөр нээлтээ хийлээ.

АШУҮИС нь бүрэлдэхүүн 8 сургууль, орон нутаг дахь харьяаллын салбар 3 сургууль, судалгааны бусад нэгжүүдтэй, бакалавр, магистр, докторын түвшний суралцагч, эрдэмтэн багш, ажилчидтай Монгол Улсын нэр хүндтэй их сургууль юм.

Тус нь 1942 онд МУИС-ийн дэргэдэх “Хүн эмнэлгийн факультет” нэртэйгээр анх байгуулагдаж байсан түүхтэй. 1962, 1967, 1969 онуудад Говь-Алтай, Дархан-уул, Дорноговь аймгуудад салбар Анагаах ухааны сургуулиудыг өрх тусгаарлан шинээр байгуулж, Монгол улсад дээд боловсролын системийг бий болгон төлөвшүүлэхэд асар их хувь нэмэр оруулсан билээ.

Энэхүү сургуулийг 2015-2024 онд хөгжүүлэх стратегийн төлөвлөгөөнд Алсын хараагаа “Эрдэм шинжилгээ, сургалт, эрүүл мэндийн чанартай тусламж үйлчилгээ үзүүлдэг олон улсын хэмжээнд манлайлагч их сургууль байх” хэмээн тодорхойлон, энэхүү зорилгод хүрэх, стратегийн тэргүүлэх чиглэлүүдээ тодорхойлон ажиллаж байгаа аж.

Гэрэл зургийг MPA.mn