ГИХГ: Дөрөвдүгээр сард 105 өргөдлийг хүлээн авч, 92 өргөдлийг бүрэн шийдвэрлэлээ

Гадаадын иргэн, харьяатын газарт иргэн, албан хаагчаас ирсэн өргөдөл, гомдлыг “Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хууль”-д заасан шаардлагын дагуу хүлээн авч, шийдвэрлэлтэд хяналт тавьж ажиллалаа. 

Өнгөрөгч дөрөвдүгээр сард иргэн, аж ахуй нэгж, албан хаагчаас байгууллагын төвд 88 боомт, орон нутаг дахь нэгжүүдэд 17, нийт 105 өргөдлийг хүлээн авч, 92 өргөдлийг шийдвэрлэв. Нийт өргөдөл, гомдлын шийдвэрлэлт өссөн дүнгээр 86 хувьтай, 55 өргөдөл хяналтад буюу шийдвэрлэх шатанд байна.

Үүнээс Засгийн газрын иргэд олон нийттэй харилцах 11-11 төвөөс манай байгууллагад 8 өргөдөл (өргөдөл 1, гомдол 7) шилжүүлснийг хүлээн авч,  шуурхай шийдвэрлэж, холбогдох хууль журмын дагуу шийдвэрлэж хариуг хүргүүлэв.