Хүүхэд, залуучуудын театр нээлтээ хийлээ

Сонгинохайрхан дүүрэгт шинээр барьсан Хүүхэд, залуучуудын театрын нээлт болж байна.

850 хүний багтаамжтай уг театр ашиглалтад орсноор 341 мянган хүн амтай СХД-ийн иргэд чөлөөт цагаа зөв боловсон өнгөрөөх, хүүхэд, залуучуудын оюуны хөгжлийг дэмжих, хүүхэд, залуучууд дэлхийн театр, урлагийн хөгжлөөс суралцах, үндэсний урлагаа уламжлан хөгжүүлэх, уран сайхны бусад урсгал чиглэлийг танин, мэдэх нөхцөл бүрдэх юм.

Мөн энэхүү театр нь хүүхэд залуусын хөгжил, боловсролд чиглэсэн олон талт үйл ажиллагааг явуулах соён гэгээрлийн төв болох аж. Тухайлбал, номын сан, кафе, дугуйлан, сургалтын үйлчилгээг цогцоор нь хэрэгжүүлэх юм. 

Гэрэл зургийг MPA.mn