Дэлгэцийн донтолтод өртсөн хүүхэд нойр муутай, мартамхай болдог

Дэлгэцийн донтолт нь дэлхий нийтийг хамарсан нэгэн шинэ төрлийн өвчин юм. Энэ нь гар утас, комьпютер, зурагт гэх мэт техник хэрэгслийг байнга үзэх хүсэлтэй болсноор өөрийгөө хянах чадвараа алдахыг хэлнэ. Та өдөрт 4-5 цаг болон түүнээс их хугацаагаар дэлгэцийг үзэж байгаа бол дэлгэцэнд донтох эрсдэлд орж байна гэсэн үг.

Дэлгэц гэдэгт компьютер, гар утас, таблет, зурагт бүгд орно. Хүүхдэд 30 минут гар утас үзүүлсэн бол өөр дэлгэц битгий үзүүлээрэй. Эсвэл ганцхан зурагтаар нь өөрийнх насанд нь тохирсон хүүхэлдэйн кино, нэвтрүүлгийг нь үзүүлж болно.

- Бага насны хүүхдэд зурагт, компьютер, таблет, гар утас зэргийг 30 минутаас илүү үзүүлэхгүй байх,

- Дэлгэц хамгаалалттай байх,

- Үзэж байгаа мэдээлэл, тоглоом зэрэгт хяналт тавих,

- Хэт ойрхноос болон харанхуй нөхцөлд үзүүлэхгүй байх

3-6 хүртэлх насны хүүхдүүд өдөрт 30-45 минут дэлгэц үзэж болно.

Харин 6-12 насны хүүхдүүд өдөрт 90-120 минутыг дэлгэцэд зарцуулж болно гэж зөвлөдөг тул энэ хугацаагаа өдөрт хоёр, гурав хувааж ашиглаарай гэж ЭМЯ-наас зөвлөж байна.