Орос, Саудын Араб ОПЕК+-ийн орнуудыг газрын тосны олборлолтоо бууруулахыг уриаллаа

Пүрэв гарагт дэлхийн газрын тосны хамгийн том экспортлогч Саудын Араб болон Орос ОПЕК+-ийн бүх гишүүн орнуудыг дэлхийн эдийн засгийн сайн сайхны төлөө олборлолтоо бууруулах хэлэлцээрт нэгдэхийг уриалав.

Оросын Ерөнхийлөгч Владимир Путин Саудын Арабын угсаа залгамжлах хунтайж Мохаммед бин Салмантай уулзахаар Эр-Риядад очсоноос хэдхэн цагийн дараа Кремль Орос-Саудын хэлэлцээр дууссан тухай мэдэгдэж, мэдэгдэл хийжээ.

Өнгөрсөн долоо хоногт Газрын тос экспортлогч орнуудын байгууллага (ОПЕК), Орос болон бусад холбоотнууд сайн дурын үндсэн дээр өдөрт олборлолтоо 2.2 сая баррелиар бууруулах тохиролцоонд хүрсэн.

“Үйлдвэрлэгч, хэрэглэгчдийн эрх ашигт нийцүүлж, дэлхийн эдийн засгийн өсөлтийг дэмжих үүднээс ОПЕК+ гэрээнд оролцогч бүх улс энэ хамтын ажиллагааг нэгдэх шаардлагатай” гэж Кремлийн мэдэгдэлдээ өгүүлжээ.

Саудын Арабын төрийн мэдээллийн “SPA” агентлагийн мэдээлснээр угсаа залгамжлах ханхүү Путинтэй хийсэн уулзалтынхаа үеэр ОПЕК+-ийн бүх гишүүд бүлгийн тохиролцоог дагаж мөрдөх шаардлагатайг онцолсон байна.

Кремль болон Саудын Араб олборлолтоо бууруулахыг олон нийтэд нээлттэй уриалсан явдлыг таналт хийгээгүй эсвэл хангалттай хэмжээнд бууруулаагүй ОПЕК+-ийн гишүүдэд мессеж илгээх зорилготой алхам гэж нефтийн зах зээлийн эх сурвалжууд харж байна.

Газрын тосны олборлолтыг бууруулах ОПЕК-ийн тохиролцоонд нэгдээгүй хамгийн том гишүүн бол Иран юм. Тус улс эсрэгээрээ олборлолтоо нэмэгдүүлж байгаа бөгөөд ирэх оны гуравдугаар сарын 20 гэхэд өдөрт 3.6 сая баррельд хүргэнэ гэж найдаж байна.

Пүрэв гарагт Путин Саудын Арабаас Москвад буцаж ирснийхээ дараа Кремльд Ираны Ерөнхийлөгч Эбрахим Раиси, Оросын Ерөнхий сайдын орлогч Александр Новак, Батлан хамгаалахын сайд Сергей Шойгу нартай хэлэлцээр хийжээ.

Эх сурвалж: Reuters