Хөгжлийн банк: Хэн нэгэнд давуу байдал олгохгүйгээр "Шинэ яармаг" хорооллыг худалдах үйл явц үргэлжилж байна

-Хэвлэлийн хурал-

Хөгжлийн банкнаас цаг үеийн асуудлаар мэлээлэл өгллөө. Тодруулбал, Хөгжлийн банкны өмчлөлд шилжүүлсэн "Шинэ яармаг" хорооллын 75 үл хөдлөх хөрөнгө худалдан авах саналыг энэ сарын 23-наас авч эхэлсэн бөгөөд иргэдээс ирсэн үнийн саналыг хэрхэн хангасан талаар мэдээллээ.

“Шинэ Яармаг” цогцолбор хорооллын 75 үл хөдлөх хөрөнгийг нээлттэй худалдан борлуулахаар www.dbm.mn цахим хуудсанд зарлал байршуулсан ба тухайн үл хөдлөх хөрөнгийг зориулалтаар нь авч үзвэл орон сууц, үйлчилгээний талбай, авто зогсоол, дутуу гүйцэтгэлтэй дуусаагүй барилгууд байсан. Тухайлбал,

-А zone – Ашиглалтад орсон 41ш орон сууц /119м2, 121м2, 257м2/, 6ш үйлчилгээний зориулалттай талбай, 16ш авто зогсоол – нийт 23.1 тэрбум төгрөгийн үл хөдлөх хөрөнгө

-В zone – Дуусаагүй барилга 7 блок орон сууц, 3 блок үйлчилгээ, 332ш авто зогсоол, газрын хамт - нийт 63.1 тэрбум төгрөгийн үл хөдлөх хөрөнгө юм.