Д.ТОГТОХСҮРЭН: Хөрөнгө оруулалтын тухай хуулийн төсөл эргэн татагдах байх

УИХ дахь МАН-ын бүлэг өнөөдөр (2021.10.11) хуралдсан. Энэ үеэр МАН-ын бүлгийн дарга Д.Тогтохсүрэн Хөрөнгө оруулалтын тухай хуульд нэмэлт өөрчлөлт оруулах тухай хуулийн төслийн талаар байр сууриа илэрхийллээ.

Тэрбээр “Хөрөнгө оруулалтын тухай хуульд нэмэлт өөрчлөлт оруулах тухай хуулийн төслийг хэлэлцэх эсэхийг өнгөрсөн долоо хоногийн нэгдсэн чуулганаар шийдсэн. Гэтэл иргэд уг хуулийн төслийг баталчихсан мэт ойлгоод байна.

Хууль өргөн барьсан гишүүдээс мэдэгдэл хийж, нэрээ татсан байна лээ. Журмаараа, дэгийн хуулиар өргөн барьсан гишүүдийн 50 хувь нь хуулийнхаа төсөлд оролцохгүй гэвэл тухайн хуулийг татдаг. Тиймээс энэ хууль татагдах байх гэж бодож байна” гэлээ.