Агаарын хилийг тогтворжуулж нислэг нэмэгдүүлэхийг ЗТХ-ийн сайд Л.Халтарт даалгалаа

Засгийн газрын хуралдаан үргэлжилж байна. Ерөнхий сайд Л.Оюун-Эрдэнэ сайд нарт үүрэг өглөө.

Тодруулбал,

- Арваннэгдүгээр сарын 1-нээс агаарын хилийг тогтворжуулж нислэг нэмэгдүүлэх чиглэлд ажиллахыг ЗТХ-ийн сайд Л.Халтарт даалгалаа.

- Агаарын хил тогтворжвол гадаадад вакцин хийлгэж амжаагүй Монгол иргэд болон жуулчид Монгол Улсад вакцин хийлгэж болох уриалга гаргахыг БОАЖ-ийн сайд Н.Уртнасанд даалгалаа.

Мөн,

- III тунгийн хамрагдалт 50%-д хүрвэл улбар шар зэрэглэлийг шар болгож бууруулах,

- Өвдөөд эдгэрсэн иргэд III тунд хэрхэн хамрагдах талаар мэдээллээ тодорхой өгөх,

- Ирэх сарын 1-нээс 50%-ийн дүүргэлттэй урлаг соёл спортын арга хэмжээг нээхийг даалгалаа.