ДЭЛХИЙН МЭДЭЭ

Индонезид хөрс гулгасны улмаас 20 хүн нас барлаа

Индонези Улсын зүүн хэсэгт аадар бороо орсны улмаас үер болж, хөрс гулгажээ. Одоогийн байдлаар гамшиг тохиосон мужид 20 хүн нас барж, хэдэн мянган иргэнийг нүүлгэн шилжүүлэхэд хүрээд байна.

Зүүн Нуса-Тенгара мужийн Флорес арал дахь Ламенел тосгонд л гэхэд 50 гаруй сууц усанд автаж, 20 хүн нас барсан бол есөн хүн гэмтэж бэртжээ. Үер усны гамшиг нүүрлэсэн мужид аврагчид, сайн дурынхан, ойролцоох мужийн иргэд ажиллаж байгаа ч цахилгааны сүлжээ гэмтсэн, зам эвдэрч сүйдсэн гэхчилэн аврах ажиллагаанд олон асуудал тулгарч буй.

Мөн гамшиг болсон мужийн ойролцоо бүсэд ч үер болж буй тул 10 мянга орчим оршин суугчийн Баруун Нуса-Тенгара мужаас нүүлгэн шилжүүлээд байгаа юм.

Эх сурвалж: Ньюсру

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet