COVID-19

Орон нутагт тархсан халдварын нийт тохиолдлын тоо 551 боллоо

Хөвсгөл аймаг.

Сүүлийн 24 цагт орон нутагт халдварын батлагдсан 42 тохиолдол бүртгэгдсэнээр нийт халдвартай иргэний тоо 551 болжээ.

Халдвар ногоон бүс рүү ийнхүү эрчимжиж буйтай холбогдуулан өчигдөр УОК-ын X дугаар хуралдаанаас Улаанбаатар хотоос орон нутаг руу зорчих хөдөлгөөнийг 2021 оны гуравдугаар сарын 28-ны 06:00 цагаас эхлэн 14 хоногийн хугацаанд бүрэн хориглосон байгаа. Өөрөөр хэлбэл, зөвхөн хүндэтгэн үзэх шалтгаан/эрүүл мэнд, буяны ажил/-тай иргэд, зайлшгүй шаардлагатай ачаа тээвэр/хүнс, шатахуун, өвс, тэжээл, эм эмнэлгийн хэрэгсэл, уул уурхай/-ийн тээвэрлэгчдийг тухайн зорьж буй аймгийн Онцгой комиссын шийдвэр, PCR шинжилгээний хариуг үндэслэн халдвар хамгааллын дэглэмийг  хатуу мөрдүүлэн нэвтрүүлэхээр болсон юм.

Зайлшгүй шалтгаанаар зорчиж байгаа тэдгээр иргэдийг тухайн орон нутгийн Онцгой комиссын шийдвэрээр 5-7 хоног заавал тусгаарлахыг аймаг орон нутгийн засаг дарга нарт үүрэг болгож, орон нутаг руу чиглэсэн бусад хөдөлгөөнийг бүрэн хориглолоо.

Ташрамд дурдахад, Улаанбаатар хотоос Завхан аймагт томилолтоор ирээд буцсан халдвартай гурван иргэний нэгдүгээр хавьтлын хоёр иргэнд халуурах шинж тэмдэг илэрсэн тул өнөөдөр ойрын хавьтлын иргэдээс PCR шинжилгээ авч сорьцыг Улаанбаатар хот руу тээвэрлэхээр шийдвэрлэжээ. Тус аймгийн Шуурхай штабаас 14:00 цагт мэдээлэл өгнө гэж мэдэгдээд байна.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet