COVID-19

Коронавирусийн халдвар аваад эдгэрсэн хүн зургаан сарын дараа вакцинд хамрагдаж болно

ЭМЯ, ХӨСҮТ-өөс ээлжит мэдээллээ өглөө. Энэ үеэр ХӨСҮТ-ийн дэд захирал Э.Тэмүүлэн дараах мэдээллийг өглөө. Тэрбээр,

-Коронавирусээр өвдөөд эдгэрсэн иргэд вакцин хийлгэж болох уу гэж асууж байна, болно. Гэхдээ тодорхой хугацааны дараа буюу зургаан сарын дараа хийлгэж болно.

Өчигдөр буюу гуравдугаар сарын 10-нд төвийн зургаан дүүргийн онцгой комисс, дүүргийн Эрүүл мэндийн төвүүд хамтран ерөнхий боловсролын болон их, дээд сургууль, спорт зааланд нийт 14 цэг нэмэлтээр байгуулж бэлэн байдлыг хангаснаар дархлаажуулалтын 46 цэгт 86 багийн 555 эрүүл мэндийн ажилтан ажиллаж, 17,819 хүнийг дархлаажуулалтад хамрууллаа. Ингэснээр нийт 48,265 хүн коронавирусийн халдварын эсрэг вакцины нэгдүгээр тунд хамрагдаад  байна гэлээ.

Дотоодод бүртгэгдсэн халдварын тохиолдол нийт 3,032:

  • Улаанбаатар-2,687 /сүүлийн 24 цагт 79 тохиолдол нэмэгдэв/
  • Завхан-4 
  • Архангай-3
  • Орхон-25
  • Төв аймаг-15  /сүүлийн 24 цагт 1 тохиолдол нэмэгдэв/
  • Сэлэнгэ аймаг-217
  • Дархан-Уул-45
  • Говьсүмбэр-4
  • Дорноговь аймаг-32 байна.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet