ДЭЛХИЙН МЭДЭЭ

Жорж Флойдын үхлийн хэргийг шүүж эхэллээ

Өнгөрсөн оны тавдугаар сард хууль сахиулагч нарт саатуулагдах үедээ өвдөглүүлсний улмаас амьсгал нь боогдон нас барсан Жорж Флойдын үхэлд буруутай гэх сэжигтэн, цагдаагийн ажилтан асан Дерек Шовиныг шүүх хурал АНУ-д эхэлжээ.

Миннеаполис хотод даваа гарагт эхэлсэн анхан шатны шүүх хурлыг шүүгч Питер Кэхилл тэргүүлэх бөгөөд тангарагтны гишүүдээр 12 хүнийг мөн сонгожээ. Шүүх хурлын үеэр эмх замбараагүй байдал, үймээн гарч болзошгүй учир харуул хамгаалалтыг чангатгасан тухай орон нутгийн хэвлэлүүдэд мэдээлж буй.

Жорж Флойдод хүч хэрэглэн, улмаар үхэлд хүргэсэн буруутан гэгдэж буй цагдаагийн ажилтан Дерек Шовиныг санамсар болгоомжгүйн улмаас хүний аминд хүрсэн хэмээн шүүж байна.

Ташрамд, хар арьст Жорж Флойдын үхлийн дараа АНУ, Европын олон оронд арьс өнгөөр ялгаварлан гадуурхахыг эсэргүүцсэн нүсэр хөдөлгөөн өрнөсөн билээ.

Эх сурвалж: “Известия”

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet