СПОРТ

Шилдэг залуу хөлбөмбөгчдийг нэрлэжээ

Францын үндэсний спортын сонин “L’Equipe” хөлбөмбөгийн хамгийн шилдэг, залуу 50 тоглогчийн эрэмбийг танилцууллаа.

Эрэмбийн тэргүүнд “Барселона” багийн довтлогч испани, гвиней хөлбөмбөгч, 18 настай Ансу Фати бичигдсэн байна. 2019 оны наймдугаар сард Фати тус багт тоглож эхэлсэн бөгөөд сүүлийн 76 жилийн хугацаанд “Барселона”-гийн хамгийн залуу тоглогч болсон юм.

Эрэмбийн удаах байрт Францын “Ренн” багийн хагас хамгаалагч, ангол гаралтай хөлбөмбөгч, 18 настай Эдуарду Камавинга бичигджээ. Тэрбээр 2018 оны арванхоёрдугаар сард “Ренн” багтай гэрээ байгуулж, багийн түүхэн дэх хамгийн залуу мэргэжлийн тоглогч болсон байна.

Гуравдугаарт, Нидерландын тамирчин, “Аякс” багийн хагас хамгаалагч, 18 настай Райан Гравенберх орсон аж. Тэрбээр 2018 онд Нидерландын өсвөрийн шигшээгийн багийн бүрэлдэхүүнд Европ, Английн өсвөрийн аварга шалгаруулах тэмцээнд оролцож, олон улсын хэмжээнд тоглож байсан юм.

Эх сурвалж: Ace football

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet