"Дөрөвдүгээр сарын 1-нээс нислэгийн тийзээ хуваан төлөх боломжтой боллоо"

Үндэсний агаарын тээвэрлэгч МИАТ ТӨХК болон Финтек & Блокчэйн технологийн хосолсон үйлчилгээ үзүүлэгч Storepay-гийн хамтын үйл ажиллагааны гэрээнд талууд өнөөдөр гарын үсэг зурлаа.

Ингэснээр хэрэглэгч, үйлчлүүлэгчид Storepay Апп-ыг ашиглан бүх төрлийн нислэгийн тийзээ ямар ч хүү, шимтгэл, нэмэлт төлбөргүйгээр хуваан төлөх нөхцөлөөр буюу 45 хоногт дөрөв хуваах, 60 хоногт гурав хуваах, 4 сард тав хуваах зэрэг ямар ч хүү шимтгэл, нэмэлт төлбөргүйгээр худалдан авах боломжтой болж байна.

Энэхүү хамтран ажиллах гэрээ нь 2022 оны дөрөвдүгээр сарын 1-нээс эхлэн МИАТ ТӨХК-ийн Тасалбар түгээврийн төвүүдээр хүчин төгөлдөр хэрэгжиж эхэлнэ гэж МИАТ ХКК-иас мэдээллээ.