Оскарын үеэр жүжигчин Уилл Смит тайзан дээр гарч Крис Рокыг алгадлаа

2022 оны Оскарын шагнал гардуулах ёслол Лос Анжелес хотноо болж өндөрлөлөө.

Ёслолын үеэр Инээдмийн киноны жүжигчин Крис Рок Шилдэг баримтат киноны шагналыг гардуулахаар тайзнаа гарч ирэхдээ халцрах өвчний улмаас үсээ хусуулсан жүжигчин Жада Пинкетт Смитийн талаар хошигножээ.

Тэрээр 1997 онд бүтээгдсэн “G.I. Jane” киноны үргэлжлэлийг тэсэн ядан хүлээж байгаагаа хэлсэн бол удалгүй Пинкетт Смитийн нөхөр болох “King Richard”-ын жүжигчин Уилл Смит суудлаасаа босож, тайзнаа гарч ирээд Рокыг алгадав.

Тодруулбал, “G.I. Jane” киноны гол дүрийн эмэгтэй халзан байдаг ба уг дүрд Деми Мур тоглосон юм.

Смит суудалдаа буцаж суусныхаа дараа Рокд хандан хоёр ч удаа “Миний эхнэрийн нэрийг хараал идсэн амараа битгий хэлээд бай” гэж хашгирчээ.

Рок 2016 оны Оскарын шагнал гардуулах ёслолын үеэр мөн Пинкетт Смитийн талаар хошигнож байсан удаатай.

Үзэгчдийн дунд байсан “CNN”-ийн сурвалжлагч Стефани Эламын хэлснээр Рокын цохиулж байгаа нь үзэгчдийн суудалд сонсогдсон байна.

Рок Смитэд алгадуулсныхаа дараа уулга алдаад “Энэ бол телевизийн түүхэн дэх хамгийн агуу шөнө байлаа” гэж хэлсэн байна.

Эх сурвалж: Harper’s Bazaar