ДЭЛХИЙН МЭДЭЭ

Эсэргүүцлийн жагсаалын үеэр 1600 хүнийг баривчилжээ

ОХУ-ын сөрөг хүчний төлөөлөл, блогч А.Навальныйг суллахыг шаардсан жагсаал нийслэл Москва болон Санкт-Петербург тэргүүтэй бусад хотод өрнөж байна. Өдгөө хоёр дахь долоо хоногтоо, ням гарагт болж болж буй энэ жагсаалын үеэр тусгай хүчнийхэн, хууль сахиулагчид 1600 гаруй хүнийг баривчилсан гэх мэдээлэл байна.

Эх орондоо эргэн ирсэн даруй баривчлагдсан Алексей Навальныйг дэмжигчид, сөрөг хүчнийхэн, ард иргэд оролцсон энэ удаагийн жагсаал долоо хоногийн өмнөх арга хэмжээнээс ч олон хүнийг хамарч буйг гаднын хэвлэлүүдэд онцолжээ.

Нийслэл Москва хотод л гэхэд Кремлийн эргэн тойрны метроны долоон буудлыг хааж, явган зорчигчдын хөдөлгөөнийг ч хууль сахиулагчид хязгаарлахаас аргагүйд хүрчээ. 13 сая хүнтэй томоохон хотын төвд ийнхүү хөдөлгөөн хорьсон нь өмнө байгаагүй явдал аж.

Алс Дорнодоос эхлэн бусад муж, хотод ч эсэргүүцлийн жагсаал газар авч, иргэд мөн л өмнөх долоо хоногийнх шигээ тогтсон цагт оршин суудаг газрынхаа төв талбайпд гарч байна.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet