COVID-19

Францад дахин хөл хорьж магадгүй

Коронавирусийн халдвар эрчимтэй тархаж буйтай холбогдуулан Франц Улс ойрын өдрүүдэд хөл хорио тогтоож магадгүй байна. Эрх баригчид ойрын хугацаанд хөл хорионы хугацаа, хязгаарлалтын цар хүрээг тогтоохоор хэлэлцэж буй.

Энэ удаагийн хөл хорио цар тахал эхэлснээс хойш зарлаж буй гурав дахь нь болж таарах юм. Зарим хэвлэлд мэдээлж буйгаар, энэ удаад Франц хоол хүнс, ахуйн хэрэглээний дэлгүүр, сургуулийн үйл ажиллагааг хэвээр үлдээж, бусад салбарынхыг гурван долоо хоногийн турш хорьж магадгүй байгаа аж.

Энэ сарын 16-наас тус улсад оройн цагаар иргэдийг гадуур гарахыг хориглон, Европын холбооны орнуудаас өөр газраас ирсэн хүмүүсээс коронавирусийн шинжилгээний хариуг шаардаж эхэлсэн. Одоогоор тэнд гурван сая хүн коронавирусийн халдвар авч, 72 гаруй мянган хүн нас бараад байна.

Эх сурвалж: ВВС

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet