Зээгтийн давааны зам хаагдаж, Бураат, Хашаатын давааны замуудад халтиргаа гулгаа үүссэн байна

Өнөөдөр /2026.05.20/-ны өдөр нутгийн баруун хагаст, 21-нд нутгийн төв хэсгээр, 22-нд нутгийн зүүн хэсгээр бороо, нойтон цас орж, зөөлөн цасан шуурга шуурахыг анхааруулж байна.

Цаг агаарын нөхцөл байдлын улмаас Баян-Өлгий аймгийн төвөөс Цагааннуур тосгон, Улаанбайшинт чиглэлийн Зээгтийн давааны зам хаагдаж, тээврийн хэрэгслүүд саатсан байна, мөн Ховд, Баян-Өлгий чиглэлийн Бураат, Хашаатын давааны замуудад халтиргаа гулгаа үүссэн байна. 

Жолооч Та анхаарал болгоомжтой хөдөлгөөнд оролцох, тээврийн хэрэгслийн бүрэн бүтэн байдлыг хангах, цаг агаарын урьдчилсан мэдээг сонсож холын замд зорчихыг Тээврийн цагдаагийн байгууллагаас зөвлөж байна.