БОУАӨЯ-ны нээлттэй хаалганы өдөрлөг эхэллээ

БОУАӨЯ-ны нээлттэй хаалганы өдөрлөгийн нээлт Сүхбаатарын талбайд боллоо. 

Байгаль орчин, уур амьсгалын өөрчлөлтийн салбарын “Нээлттэй хаалганы өдөрлөг” 2026 оны тавдугаар сарын 7-9-ний өдрүүдэд Сүхбаатарын талбайд зохион байгуулагдана. 

Тус өдөрлөгийн хүрээнд Байгаль орчин, уур амьсгалын өөрчлөлтийн яам болон салбарын харьяа байгууллагууд иргэдэд үйл ажиллагаагаа нээлттэй танилцуулж, зөвлөгөө мэдээлэл хүргэнэ.

Мөн иргэдийн санал хүсэлт, тулгамдаж буй асуудлыг газар дээр нь сонсож, холбогдох мэдээлэл, шийдлийг өгөхөөр ажиллах юм.

Өдөрлөгт Цаг уур, орчны шинжилгээний газар, Ойн газар, Усны газар, Уур амьсгалын өөрчлөлтийн судалгаа, хамтын ажиллагааны төв, Цэнгэг усны нөөц, байгаль хамгаалах төв, Байгаль орчны судалгаа шинжилгээний төв болон COP17 арга хэмжээг зохион байгуулах Үндэсний хороо оролцоно.