Хятадын дарамтаас болж Тайванийн Ерөнхийлөгч Африкт хийх айлчлалаа цуцалсан гэв

Гэрэл зургийг REUTERS агентлагийн онцгой эрхтэйгээр нийтлэв.

Тайванийн Ерөнхийлөгч Лай Чин-тэ энэ долоо хоногт Эсватини улсад хийх ёстой байсан айлчлалаа цуцалснаа мэдэгдлээ.  Хятад Африкийн гурван улсад шахалт үзүүлж, Ерөнхийлөгчийн онгоцны нислэг үйлдэх зөвшөөрлийг цуцлуулсан хэмээн Тайванийн эрх баригчид буруутгав.

Өмнөд Африкийн жижиг улс болох Эсватини нь  Тайваньтай албан ёсны харилцаатай хэвээр үлдсэн 12 улсын нэг юм. Лай лхагва гарагт тус улсын хаан  III Мсватигийн хаан ширээнд суусны 40 жилийн ойн арга хэмжээнд оролцохоор явах ёстой байжээ.

Ерөнхийлөгчийн тамгын газрын ерөнхий нарийн бичгийн дарга Пан Мэн-аны үзэж буйгаар, Сейшелийн арлууд, Маврики, Мадагаскар улсууд урьдчилан анхааруулгагүйгээр Ерөнхийлөгчийн онгоцны өөрсдийн нутаг дэвсгэр дээгүүр нислэг үйлдэх зөвшөөрлийг нэг талын шийдвэрээр цуцалсан гэж мэдэгдэв.

“Үүний жинхэнэ шалтгаан нь Хятадын эрх баригчдын үзүүлсэн, тэр дундаа эдийн засгийн дарамт шахалт байсан” гэж тэрээр Тайпэйд зохион байгуулсан хэвлэлийн хурлын үеэр хэллээ. Хятадын гадаад хэргийн яам энэ асуудлаар тайлбар өгөөгүй байна. 

Эх сурвалж: Reuters