Дорнод, Хэнтий аймагт хээрийн гурван түймэр бүртгэгдлээ

Улсын хэмжээнд өчигдөр (2026.04.20) Дорнод, Хэнтий аймагт 3 удаагийн хээрийн түймэр бүртгэгдснээс хоёр түймрийг бүрэн унтрааж, нэг түймрийг цурамд орууллаа. Үүнд: 

Дорнод аймгийн Баян-Уул сумын Харчулуут II багийн “Бөөрийн булаг” гэдэг газар өнөөдөр (2026.04.20) 12:43 цагт гарсан хээрийн түймрийн дуудлагаар  аймгийн Онцгой байдлын газар, Гал түймэр унтраах, аврах 53 дугаар анги, Баян-Уул, Цагаан-Овоо сумын мэргэжлийн нийт 37 хүн, 7 автомашинтайгаар ажиллаж, 15:20 цагт цурамд оруулж, 20:00 цагт бүрэн унтраалаа.

Хэнтий аймгийн Хэрлэн сумын VII багийн  “Жаргалант” гэдэг газар 11:07 цагт гарсан хээрийн түймрийн дуудлагаар Онцгой байдлын газар, Өлзийт тосгон, Өмнөдэлгэр, Хэрлэн сум, Тахилга тосгоны  мэргэжлийн ангийнхан нийт 80 хүн, 10 автомашинтайгаар ажиллаж,  14:40 цагт цурамд оруулж, 21:05 цагт бүрэн унтраалаа.

Хэнтий аймгийн Хэрлэн сумын VIII багийн “Ар хүүш” гэдэг газар  өвөлжөөнөөс гал алдаж, хээрийн түймэр гарсан дуудлага 15:57 цагт бүртгэгдэж, аймгийн Онцгой байдлын газрын алба хаагчид ажиллаж, 18:53 цагт цурамд оруулж, бүрэн унтраахаар ажиллаж байна.