Хятад энхийн хэлэлцээг яаравчлахыг Иранд уриаллаа

Гэрэл зургийг REUTERS агентлагийн онцгой эрхтэйгээр нийтлэв.

БНХАУ-ын Гадаад хэргийн сайд Ван И Ираны Гадаад хэргийн сайд Аббас Аракчитай утсаар холбогдож, Ойрхи Дорнодын хямралын асуудлыг хэлэлцжээ. Ван И  бүх л боломжийг ашиглан энхийн хэлэлцээг нэн даруй эхлүүлэхийг Тегеранд уриалсан байна. Тэрбээр Аббас Аракчид хандан зөрчлийг цэргийн хүчээр бус, харин энхийн замаар, хэлэлцэж шийдвэрлэсэн нь дээр хэмээн онцолсон тухай БНХАУ-ын Гадаад хэргийн яам мэдээлжээ. 

Үүний хариуд Аракчи “Иран улс НҮБ-ын Аюулгүйн зөвлөлийн гишүүн орнууд, тэр дундаа Хятад болон Оросоос АНУ-ын энэ үйлдлийн эсрэг тууштай зогсоно гэж хүлээж байна” гэснийг Ираны төрийн мэдээллийн агентлагийн уламжиллаа.
Энхийн хэлэлцээний талаарх нааштай сураг  гарч буй энэ үед гэвч дайн үргэлжилж байна. Лхагва гарагийн байдлаар, Израил Тегеран руу цохилт өгсөөр байгаа бөгөөд Тегеран ч хариу довтолгоо хийсээр байна. 

Эх сурвалж: Reuters