“Хигашикава” олон улсын сурагчдын гэрэл зургийн фестивалийн 2026 оны бүртгэл эхэллээ

Япон улсын Хигашикава хотоос зохион байгуулдаг олон улсын дунд, ахлах ангийн сурагчдын гэрэл зургийн фестивалийн 2026 оны бүртгэл эхэллээ. Энэ нь Ази, Европын 16 орны сурагчид оролцдог томоохон арга хэмжээ юм.

Оролцох нөхцөл:

-Нэг сургуулиас 3 сурагчийн баг оролцоно

-Гэрэл зураг авах сонирхолтой, туршлагатай байх

Бүтээлийн шаардлага:

Сэдэв: “Миний нутгийн сайхан”

Өөрийн авсан зураг байх

JPEG (jpg), 1800px+, 300dpi

Нэр, огноо, байршлын мэдээлэл хавсаргах

Хугацаа:

Бүтээл хүлээн авах: 2026.04.15 хүртэл

2-р шатны шалгаруулалт: 2026.05.15

Фестиваль: 2026.08.17–08.23

Онцлог:

Улс бүрээс 1 баг шалгарч оролцоно

Шалгарсан багийн Япон руу явах, байр, хоол зэрэг бүх зардлыг 100% цаад тал хариуцна

Илгээх:

И-мэйл: higashikawa.mgl@gmail.com

Овог нэр, нас, сургууль, анги, утасны дугаараа хавсаргана

Энэхүү хөтөлбөр нь сурагчдын бүтээлч сэтгэлгээ, багийн ажиллагааг хөгжүүлэх зорилготой юм.

Япон улсын Хоккайдо мужийн төв хэсэгт орших Хигашикава хот нь 1985 онд хөгжлийн бодлогоо гэрэл зургийн соёлтой уялдуулан тодорхойлжээ. Ингэснээр хот, хөдөөгийн соёлын холбоог хадгалж, олон улсад нээлттэй, залуучуудад ээлтэй хот болох зорилгын хүрээнд өөрийгөө “Гэрэл зургийн хот” хэмээн дэлхийд зарласан байна. Энэхүү хөгжлийн бодлогын хүрээнд “Дунд сургуулийн сурагчдын гэрэл зургийн наадам” болон “Хигашикава олон улсын гэрэл зургийн фестивал ”, “Хигашикава олон улсын дунд сургуулийн сурагчдын гэрэл зургийн фестивал ” гэх мэт тогтмол арга хэмжээнүүдийг зохион байгуулж байна.

Фестивалийн зохион байгуулагч:

– Хигашикава хот

– ХИГАШИКАВА хотын аялал жуулчлалын холбоо

– ХИГАШИКАВА ХОККО гакүэн /коллеж/

Хамтран зохион байгуулагч:

– “Канон Маркетинг Жапан” ХХК

Ивээн тэтгэгч:

– Кинки Ниппон турист ХХК

Дэмжигч:

-Япон улсын гадаад харилцааны яам

-Оролцогч орнуудад суугаа Япон улсын элчин сайдын яам

Дэлгэрэнгүй мэдээллийг https://medium.com/@MongolianImages/higashikawa-youth-fest-2026-917e00041e67