Австрали: 16-аас доош насныхны аккаунтуудыг хааж эхэллээ

Гэрэл зургийг REUTERS агентлагийн онцгой эрхтэйгээр нийтлэв.

Австралид 16-аас доош насныхныг сошиал медиа ашиглахыг хориглосон хууль хэрэгжиж эхлэхтэй холбогдуулан  “Meta” компанийн “Instagram”, “Facebook”, “Threads” платформууд шалгуур хангаагүй хэрэглэгчдийн аккаунтыг хааж эхэлжээ.

Хууль энэ сарын 10-наас хэрэгжиж эхлэх бөгөөд энэ нь олон улсын анхаарлыг татаж, бусад улс орон  ижил бодлого хэрэгжүүлэх эхлэл болно гэж Австралийн Цахим аюулгүй байдлын алба мэдэгдэв. Хэрэв уг хуулийг зөрчиж, хүүхдэд сошиал аккаунт ашиглах боломж олгосон бол платформууд 49.5 сая австрали доллар хүртэлх торгууль төлнө.
Сошиал медиаг хориглох уг хуулийг эцэг эхчүүдийн олонх нь дэмжиж байгаа бөгөөд  хүүхдүүдийн стресс, сэтгэцийн эрүүл мэндийн асуудал буурна гэж найдаж байна. 

Эх сурвалж: Reuters