Өвлийн улиралд үсээ халуун биш бүлээн усаар угаах нь чийгшлийг барьдаг

Өвлийн улиралд хүйтэн агаар, салхи, хуурай орчин нь үсийг амархан хуурайшуулах, цахилгаанжуулах, салаалах зэрэг асуудал үүсгэдэг. Тиймээс энэ үед үс арчилгаандаа илүү анхаарах хэрэгтэй. Доорх зөвлөгөөнүүд танд тус болно.

Өвлийн улирлын үс арчилгааны зөвлөгөө

1. Чийгшүүлэх арчилгааг нэмэх

• Чийгшүүлэгч найрлагатай шампунь, ангижруулагч хэрэглэ.

• 7–10 хоногт 1 удаа тэжээлийн маск (арган тос, ши тос, кокосын тос гэх мэт) түрхэж 20–30 минут байлга.

• Үс угаасны дараа угаадаггүй тос, серум түрхэх нь чийгийг илүү удаан хадгална.

2. Хэт их угаалтаас зайлсхий

• Өвөл үс хурдан тослогдох нь харьцангуй багасдаг тул 2–3 хоногт нэг удаа угаах нь тохиромжтой.

• Халуун биш бүлээн усаар угаах нь үсний чийгшлийг барина.

3. Хэт халаах хэрэгслээс болгоомжил

• Үс хатаагч, шулуутгагч, бигудэг аль болох багасгаж, хэт халуун дээр ашиглахгүй байх.

• Ашиглах шаардлагатай бол термо хамгаалагч заавал түрх.

4. Малгай өмсөхдөө анхаарах зүйлс

• Хэт бариу малгай үсний уг дарж, тослогжуулж, хугарал үүсгэнэ.

• Хөвөн даавуун малгай үсийг цахилгаанжуулдаг тул торгон эсвэл сатин доторлогоотой малгай сонговол сайн.

5. Чийгтэй үстэй гарахгүй байх

• Гадна хүйтэнд чийгтэй үстэй гарахад үсний бүтэц гэмтэж, хугарамтгай болдог.

• Үсээ бүрэн хатааж байгаад гар.

6. Хооллолт болон усны хэрэглээг нэмэх

• Омега-3, биотин, уураг ихтэй хоол хүнс (самар, өндөг, загас, авокадо) хэрэглэх.

• Өдөрт хангалттай ус уух нь үсний чийгшлийг дотроос нь дэмжинэ.

7. Салаалсан үзүүрийг тогтмол тайруулах

• 6–8 долоо хоногт 1 удаа үзүүр тайруулснаар үс илүү эрүүл харагдана.