COVID-19

Д.ЗУЛАА: СХД-ийн Нэгдсэн эмнэлэг 16 эмч, 22 сувилагчтайгаар “Ковид”-ын тусламж үйлчилгээ үзүүлж байна

Гэрэл зургийг
MPA.mn

Эрүүл мэндийн яамнаас коронавирусийн нөхцөл байдлын талаарх ээлжит мэдээллээ өгөх үеэр Сонгинохайрхан дүүргийн Нэгдсэн эмнэлгийн Чанарын аюулгүй байдлын албаны дарга Д.Зулаа тус эмнэлгээс авч хэрэгжүүлж буй тусламж үйлчилгээний талаар мэдээлэл өглөө.

 Тэрбээр “СХД-ийн нэгдсэн эмнэлэг 2020 оны А/542, 2021 оны А/196 дугаар тогтоолын дагуу өнгөрсөн гуравдугаар сарын 17-ноос коронавирусийн тусламж үйлчилгээний нэмэлт 200 ор дэлгэн ажиллаж байна. Үүнээс 20 ор нь эрчимт эмчилгээнийх бол энгийн 180 ор. Өнөөдрийн байдлаар 3,793 хүнд тусламж үйлчилгээ үзүүлсэн байна. Мөн салбарын сайдын тушаалаар 2021 оны зургадугаар сарын 10-наас эхлэн коронавирусийн улаан тасаг маань энгийн тасагт шилжсэн. Одоогийн байдлаар 16 эмч, 22 сувилагч, нийт 64 ажилтантайгаар тусламж үйлчилгээ үзүүлж байна. Мөн 2020 оны арваннэгдүгээр сарын 14-нөөс эхлэн гуравдугаар сарын 24-нийг хүртэл явуулын болон, суурин тандалтын баг ПГУ-ын шинжилгээ авсан. Энэ хугацаанд 10,000 орчим иргэн шинжилгээнд хамрагдсан байна.

Мөн “Улаан бүс”-д ажиллаж байгаа эмч нар болон яаралтай тусламж, хүлээн авах тасгийн эмч нарын цалинг 15 хувиар нэмэгдүүлсэн. Цаашдаа ч нийт ажилчдынхаа цалинг шат дараатай нэмэх бодлоготой ажиллаж байна” хэмээн ярилаа.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet