ДЭЛХИЙН МЭДЭЭ

Бразил улсад 2022 онд хүнсний хомсдол нүүрлэж магадгүй байна

Дэлхийн зах зээл дээрх бордооны үнэ ханш өсөж түүнийгээ дагаад хүнсний бүтээгдэхүүний үнэ нэмэгдэх, хангамж хүрэлцээ дутагдалд орох явдал ажиглагдаж эхэллээ.

Бразил улсад ирэх жил бордооны үнийн өсөлт, нийлүүлэлтээс хамаарч хүнсний хямрал нүүрлэж болзошгүй нөхцөл байдал үүсээд байна. Энэ талаар тус улсын ерөнхийлөгч Жаир Болсонару мэдэгдээд засгийн газраас яаралтай арга хэмжээ авахаар ажиллаж байгааг онцолжээ.

Эрчим хүчний хямралаас үүдэн Хятад улс бордооныхоо үйлдвэрлэлийг бууруулсан. Үүнээс болж үнэ ханш цаашид улам нэмэгдэж, алдагдалд хүртэл орж болж магадгүй болоод байгаа талаар тэрбээр хэллээ. Үүнтэй холбоотойгоор Бразил улс 2022 онд хүнсний хомсдолтой нүүр тулах дээрээ хүрээд байна гэжээ. Латин-Америкийн томоохон улсууд дэлхийн хүнсний бүтээгдэхүүний 20 орчим хувийг үйлдвэрлэж зах зээлд нийлүүлдэг. Бразил улс энэ асуудал дээр 3 дугаар сараас хойш ажиллаж байгаа бөгөөд ирэх сард бордооны асуудлыг яаралтай шийдвэрлэх арга хэмжээний тухай төлөвлөгөөг гарган танилцуулах юм.

Хүнс, хүнсний бүтээгдэхүүний үнийн өсөлт дэлхийн өнцөг булан бүрт ажиглагдсаар байна. Дан ганц Бразил гэлтгүй хэд хэдэн улс хүнсний хомсдолд ороод байгаа юм. Бордоо борлуулагчдын үндэсний ассоциацын газраас гаргасан статистикийн тайлан мэдээнд дурдсанаар, Бразил улс дотоодынхоо хөдөө аж ахуйн салбарт шаардлагатай нийт бордооныхоо 85 хувийг импортолдог юм байна.

Тэгэхээр энэ нь хүнсний үйлдвэрлэл түүнийгээ дагасан үнэ ханш гаднын импортоос шууд хамаарч байгааг харуулж байгаа юм.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet