Live
НИЙГЭМ

“Замын-Үүд суманд ачаа тээврийн нөхцөл байдал хүндэрсэн”

Замын-Үүд суманд үүссэн нөхцөл байдал хүндэрсэн талаар улс хоорондын ачаа тээврийн жолооч нар мэдээлэл хийлээ.

Энэ үеэр Замын-Үүд сумын ИТХ-ын төлөөлөгч н.Эрдэнэбилэг “30 мянга орчим иргэн амьдардаг суурьшлын бүс газарт стандарт бус аргаар нүүрс тээврийн үйл ажиллагаа явуулах гэж байгааг бид хатуу эсэргүүцэж байна Энэ асуудалд арга хэмжээ авахыг Зам тээврийн сайд Л.Халтарт үүгээр уламжилж байгаа юм. Замын-Үүд сум бол Монгол Улсын өмнөд хилийн ганц нүүр царай. Энэ ганц хилийн боомтоор нүүрс тээвэрлэлт явуулах юм бол хоёр дахь Цагаан хад болно. Өөрөөр хэлбэл, Замын-Үүд сумын ард түмэн эрүүл, цэвэр орчинд амьдрах эрхгүй болно гэсэн үг. Ганц хилийнхээ боомтыг нүүрсний хар нүх болгомооргүй байна. Цагаан хад зэрэг зориулалтын газраар нүүрс тээвэр хийх нь зөв. Манай суманд нүүрс тээврийг автозамаар татах терминал ч байхгүй. Дэд бүтэц нь сум дундаа хөгжсөн газар учир нүүрс тээврийн газар болгож болохгүй” гэв.

Хариулах


ШИНЭ МЭДЭЭ



Ангилал өөрчлөх бол дахин бүртгүүлнэ үү.

Дээш
Tweet