“PlayStation 5”-ийн үнэ Америкт нэмэгдлээ

“Sony” компани “PlayStation 5” консолын Америкт зарагдах үнийг 50 ам.доллараар нэмлээ. Энэхүү шийдвэрээ тус компани эдийн засгийн хүндрэлтэй нөхцөл, Трампын тарифтай холбон тайлбарлаж байна.  

Ингэснээр “PlayStation 5”-ийн энгийн загвар 499.99 ам.доллар, хамгийн үнэтэй буюу про хувилбар 749.99 ам.долларын үнэтэй болсон байна. Харин нэмэлт хэрэгслүүдийн үнэ өөрчлөгдөхгүй аж.
“Nintendo”, “Microsoft” зэрэг өрсөлдөгч компаниуд ч мөн  бүтээгдэхүүнүүдийнхээ үнийг өсгөсөн юм.
Шинжээчдийн үзэж буйгаар, татварын тариф зөвхөн тоглоом, технологийн ч салбарт бус, спорт хувцас, ахуйн хэрэглээний бүтээгдэхүүний салбарт ч нөлөөлж, “Adidas”, “Nike” зэрэг брэндүүд АНУ-д зарагдах үнээ нэмэхээ  зарлаад байна.

Эх сурвалж: BBC